Ռուսաստանը նոյեմբերի 1-ից հանում է թուրքական լոլիկի մատակարարումների վրա դրված արգելքը։ Այս մասին հայտարարել է ՌԴ էներգետիկայի նախարար Ալեքսանդր Նովակը, փոխանցում է «Ինտերֆաքս»-ը։
«Մենք քննարկել ենք նաեւ առեւտրատնտեսական համագործակցության արգելքները չեղարկելու հարցերը, այդ թվում՝ Թուրքիայից Ռուսաստան լոլիկի մատակարարման մասով։ Պատրաստվել է որոշում նոյեմբերի 1-ից 50 հազար տոննա ծավալով լոլիկի ներկրումը թույլատրելու մասին»,- ասել է նա։
Ավելի վաղ հաղորդվում էր, որ Ռուսաստանը պլանավորում է այդ ծավալով լոլիկի մատակարարումները թույլատրել դեկտեմբերի 1-ից։
