Կատալոնիայի ղեկավար Կառլես Պուչդեմոնին 3 օր են տվել Իսպանիայի կառավարության կողմից կիրառվելիք մեթոդների շուրջ փաստարկներ ներկայացնելու համար։
Երեքշաբթիից հինգշաբթի ընկած ժամանակահատվածում Պուչդեմոնը կարող է դիմել Սենատին, որպեսզի փաստարկներ ներկայացնի Իսպանիայի Սահմանադրության 155-րդ հոդվածով նախատեսված միջոցների հարցով, որը թույլ է տալիս կասեցնել Կատալոնիայի ինքնավարությունը հայտնում է EFE գործակալությունը։
Այս որոշումն ընդունել է Իսպանիայի խորհրդարանի վերին պալատի պրեզիդիումը։
Հիշեցնենք, որ Իսպանիայի կառավարությունը արտահերթ նիստի ժամանակ միջոցներ է մշակել կատալոնական ճգնաժամը հաղթահարելու համար։
Դրանցից մեկը կլինի ինքնավարության ժեներալիտետի ղեկավարին, նրա տեղակալին եւ խորհրդականներին պաշտոնից ազատելը, 6 ամսվա ընթացքում տարածաշրջանային խորհրդարանի արտահերթ ընտրություններ անցկացնելը։ Այս միջոցները պետք է հաստատի Իսպանիայի Սենատը։