Գերմանիայում ահաբեկչության վերաբերյալ հարուցված գործերի թիվը շարունակում է աճել: Արդարադատության մարմինները կոչ են անում վճռական միջոցներ ձեռնարկել գերմանական բանտերում արմատականացում թույլ չտալու համար: Հոկտեմբերի 22-ին այս մասին հայտնել է Welt am Sonntag պարբերականը:
Գերմանիայի դաշնային դատախազությունը 2017 թվականի հունվարից արդեն 900 գործ է հարուցել, որից 800-ից ավելին՝ արմատական իսլամիստների դեմ: Ամբողջ 2016 թվականին Գերմանիայում ահաբեկչության վերաբերյալ 250 նոր գործ է հարուցվել:
Նման վարույթների կտրուկ աճի կապակցությամբ Ազատ դեմոկրատական կուսակցության առաջնորդ Վոլֆգանգ Կուբիկին ասել է, որ Գերմանիայի քաղաքացի չհամարվող իսլամիստներին պետք է պարտադիր արտաքսեն, եւ այս մասին որոշումները պետք է անհապաղ կատարվեն: Ինչ վերաբերում իսլամիստ գերմանացիներին, ապա պատիժը կրելուց հետո նրանք պետք է հսկողության ներքո լինեն, իսկ առանձին դեպքերում նրանց էլեկտրոնային ձեռնաշղթա հագցնեն:
