News
Լրահոս
News
Կիրակի
Օգոստոս 19
Տեսնել լրահոսը

Ոստիկանության աշխատակիցները պարզել են օրեր առաջ Երեւանի պետական բժշկական համալսարանի տնտեսական վարչության պետին մարմնական վնասվածքներ պատճառողի ինքնությունը։

Հիշեցնենք, որ հոկտեմբերի 16-ին տեղեկություն էր հրապարակել Երեւանի պետական բժշկական համալսարանի տնտեսական վարչության պետին մարմնական վնասվածքներ պատճառելու փաստով, ով սալջարդ ախտորոշմամբ տեղափոխվել էր Թիվ 1 համալսարանական հիվանդանոց:

Shamshyan.cm-ի փոխանցմամբ, ոստիկանները պարզել էին, որ վիճաբանությունը տեղի է ունեցել մի քանի երիտասարդների միջեւ եւ այդ պահին 57-ամյա Սամվել Բ.-ն նկատողություն է արել նրանց, ասելով, որ հասարակական կարգը չխախտեն եւ անհարգալից վերաբերմունք չցուցաբերեն հասարակության մեջ: Երիտասարդներից մեկին դուր չի եկել նկատողությունը եւ նա փողոցում տեղադրված աղբամանով հարվածել է Սամվել Բ.-ին:

Վիճաբանությանը մասնակցող երիտասարդներն են 21-ամյա Ալիկ Մ.-ն, 22-ամյա Հայկ Բ.-ն, 23-ամյա Դավիթ Ա.-ն, 24-ամյա Աշոտ Ղ.-ն։ Ոստիկանները նրանցից 3-ին հայտնաբերել են, իսկ Ալիկ. Մ-ին որոնում են: Կան տեղեկություններ, որ վիճաբանությանը այլ երիտասարդներ էլ են մասնակցել:

Ավելի վաղ NEWS.am-ը հայտնել էր, որ հոկտեմբերի 16-ին Երեւանի թիվ 1 համալսարանական հիվանդանոց էր բուժօգնության դիմել Երեւանի բնակիչ՝ 57-ամյա Սամվել Բադոյանը։ Վերջինս հիվանդանոց էր ընդունվել «կոնքի կոտրվածք՝ հարցականով, աջ գոտկային շրջանի փափուկ հյուսվածքների սալջարդ» ախտորոշմամբ։

Հիվանդանոց էին մեկնել Ոստիկանության Կետրոնական բաժնի հետաքննչական բաժանմունքի օպերատիվ խումբը, սակայն հետաքննիչին Սամվել Բ-ն հայտնել էր, որ հրաժարվում է կատարվածի մասին տեղեկություններ տալ։

Տպել
Կարդացեք նաև
Ամբողջը
Իսպանիայում ձերբակալել են թմրանյութերի մատակարարների խմբի, որից 7 տոննա հաշիշ են բռնագրավել
Ոստիկանության տվյալներով, խումբը բեռը մատակարարում էր Իսպանիա դրա հետագա տարածման համար...
Մեքսիկայում հայտնաբերել են մոտ 50 տոննա սինթետիկ թմրանյութեր
Ըստ զինվորականների, առաջին պահեստում վաճառքի համար պատրաստվել էր 7 տոննա նյութ...
Թուրքիայի արեւելքում մուֆթիի գրասենյակում աշխատակիցը կրակ է բացել. 2 զոհ կա, 5 վիրավոր
Anadolu-ն հաղորդում է, որ երկու մարդ սպանվել է, եւս հինգը՝ վիրավորվել, ներառյալ հրաձիգը...
Ոստիկանության բաժնի հաշվապահը աշխատող չհանդիսացող քաղաքացիների հաշվեհամարներին գումարներ է փոխանցել
Ոստիկանության ներքին անվտանգության վարչությունը նոր բացահայտումներ է արել...
Ալեքսանդր Սարգսյանի որդու գործով նախաքննությունն ավարտվեց. եւս 1 նոր քրգործ է հարուցվել
ՀՀ 3-րդ նախագահ Սերժ Սարգսյանի եղբորորդու՝ Հայկ Սարգսյանի գործով նախաքննությունն ավարտվել է...
Ոստիկանները Երևանում թմրանյութի մեծ «արտադրամաս» են հայտնաբերել
Խուզարկությամբ հայտնաբերվեց տնկված 208 հատ, մինչ 4 մետր բարձրության կանեփի թուփ...
Partner news