News
Լրահոս
News
Շաբաթ
Դեկտեմբեր 15
Տեսնել լրահոսը

Երկրորդ կայազորային քննչական բաժնում ձեռնարկված անհետաձգելի քննչական գործողությունների արդյունքում պարզվել են պարտադիր ժամկետային զինծառայող, շարքային Հրաչ Արարատի Ավետիսյանի մահվան՝ էական նշանակություն ունեցող մի շարք հանգամանքներ։

ՀՀ Քննչական կոմիտեից NEWS.am-ին հայտնում են, որ զինծառայողը հրազենային վնասվածքն ստացել է 20.10.2017թ.՝ ժամը 17։20-ի սահմաններում՝ գլխի ճակատային շրջանում։

Քննությամբ բավարար փաստական տվյալներ են ձեռք բերվել, որ զինծառայողը հրազենային վնասվածքն ստացել է իրեն ամրակցված ԱԿ-74 տեսակի ինքնաձիգից ճակատի շրջանին կրակոց արձակելու հետեւանքով։ Հարցաքննվել են մի շարք անձինք, այդ թվում ականատես վկաներ։ Զինծառայող Հ.Ավետիսյանը զինակիցների կողմից անմիջապես տեղափոխվել է Ստեփանակերտի զինհոսպիտալ, սակայն ճանապարհին մահացել է:

Դեպքի բոլոր հանգամանքների բազմակողմանի, օբյեկտիվ եւ լրիվ հետազոտումն ապահովելու ուղղությամբ ձեռնարկված մեծածավալ քննչական գործողությունների արդյունքում պարզվել է, որ դեպքից օրեր առաջ  զինծառայողի հետ վիճաբանել եւ բռնություն է կիրառել նույն զորամասի մեկ այլ զինծառայող։

Ստորադասության հարաբերությունների բացակայության դեպքում զինծառայողների փոխհարաբերությունների կանոնագրքային կանոնները խախտելու կասկածանքով ձերբակալվել է նույն զորամասի պարտադիր ժամկետային զինծառայող, շարքային։
Նախաքննությունը շարունակվում է: 

Ավելի վաղ NEWS.am-ը հայտել էր, որ հոկտեմբերի 20-ին, նախնական տվյալների համաձայն զենքի օգտագործման կանոնների խախտման հետեւանքով, մահացու հրազենային վիրավորում են ստացել ՊԲ զինծառայողներ, 1998թ. ծնված Արամ Սիրեկանի Խաչատրյանը եւ 1997թ. ծնված Հրաչ Արարատի Ավետիսյանը:

ՀՀ Քննչական կոմիտեից հայտնել էին, որ երրորդ կայազորային քննչական բաժնում ձեռնարկված անհետաձգելի քննչական գործողությունների արդյունքում պարզվել են նաեւ պարտադիր ժամկետային զինծառայող, 1998թ. ծնված Արամ Սիրեկանի Խաչատրյանի մահվան՝ էական նշանակություն ունեցող մի շարք հանգամանքներ։

Զինծառայողը հրազենային վնասվածքն ստացել է 20.10.2017թ.՝ ժամը 12:40-ի սահմաններում, N զորամասի պահպանության տեղամասի մարտական դիրքում, աջ ուսագոտու շրջանում։  Զինհոսպիտալ տեղափոխվելու ճանապարհին զինծառայողն ստացած հրազենային վնասվածքից մահացել է:
Մահացու հրազենային վնասվածք ստանալու դեպքի բոլոր հանգամանքների բազմակողմանի, օբյեկտիվ եւ լրիվ հետազոտումն ապահովելու ուղղությամբ ձեռնարկված մեծածավալ քննչական գործողությունների արդյունքում բավարար փաստական տվյալներ են ձեռք բերվել, որ Ա.Խաչատրյանն սպանության զոհ է դարձել, պարզվել է առերեւույթ հանցագործություն կատարած անձի ինքնությունը։

Սպանության կասկածանքով ձերբակալվել է նույն զորամասի պարտադիր ժամկետային զինծառայող, կրտսեր սերժանտը։

Տպել
Կարդացեք նաև
Ամբողջը
Ովքեր եւ ինչպես կարող են դիմել Զինծառայողների ապահովագրության հիմնադրամին՝ 2018-ին վճարված գումարների վերադարձման համար
Հիմնադրամից վճարված գումարների կամ դրանց մի մասի վերադարձման համար կարող եք դիմել...
ՊՆ-ն մտադիր է Զինված ուժերում ներդնել նոր սարքավորումներով եւ արդիականացված ճաշարանային համալիրներ
Նշված նպատակի իրագործման համար կիրականացվի փորձնական ծրագիր՝ միջինում 8000 զինծառայողների համար սննդի կազմակերպման գործընթացը...
Ժամկետային զինծառայողը ծառայակցին ստորացրել է, ենթարկել բռնությունների, կատարել է այլ հակաբարոյական գործողություններ. ՔԿ
Ավարտվել է ժամկետային զինծառայող Նարեկ Ադիբեկյանի սպանության դեպքի առթիվ քրգործի նախաքննությունը...
Ամեն զինվորի մահ ողբերգություն է եւ ամեն դեպքով ձեռնարկում ենք գործողություններ. ՔԿ նախագահը՝ զոհերի հարազատներին
Հայաստանի Հանրապետության վարչապետի պաշտոնակատար Նիկոլ Փաշինյանը ՀՀ Քննչական կոմիտեի նախագահ Հայկ Գրիգորյանի հետ հանդիպել է մահացած զինծառայողների հարազատների հետ...
Բանակում ուտելիքը սարսափելի է. էդ մեծ-մեծ խոսացողներին պետք է տանք էդ տուշոնկեքն ու ասենք՝ դե սրանով ապրի. Փաշինյան
Ծառայության հետ կապված ամենամեծ շոկերից մեկն այն էր, որ ստացանք հեռախոսազանք, որ ինձ համար էս ուղարկեք, էս ուղարկեք, էն ուղարկեք…
Զեկույցները հանրայնացվում են. ՄԻՊ առաջարկները՝ ԶՈՒ մարդու իրավունքների երաշխավորման նպատակով (ինֆոգրաֆիկա)
Մարդու իրավունքների պաշտպանի աշխատակազմը սկսում է զեկույցների հանրայնացման գործընթաց, որոնք կներկայացվեն ինֆոգրաֆիկաներով...
Partner news