Փարիզում դատարանը վարույթ է սկսել աջծայրահեղական խմբավորման 8 անդամների նկատմամբ, որոնք կասկածվում են ահաբեկչության մեջ: Նրանցից 7-ը կմնան կալանքի մեջ, մինչդեռ 17-ամյա դեռահասը հատուկ հսկողության ներքո կլինի: Նրանք կասկածվում են քաղաքական գործիչների, մզկիթի եւ փոքրամասնությունների ներկայացուցչների վրա հարձակումներ պատրաստելու մեջ, հայտնել են արդարադատության մարմիններում աղբյուրները, փոխանցում է DW-ն:
Դատախազությունը հոկտեմբերի 20-ին միջնորդել է պաշտոնական քննություն սկսելու մասին: Քննություն է կատարվելու 17 տարեկան 3 անչափահասների եւ 18-ից մինչեւ 29 տարեկան 5 մեծահասակների նկատմամբ: Ըստ ամենայնի, նրանց թիրախների թվում էին Ֆրանսիայի նախագահի թկնածու Ժան Լյուկ Մելանշոնը եւ կառավարության մամուլի քարտուղար Քրիսթոֆ Կաստանեն:
Հոկտեմբերի 17-ին իրավապահ մարմինները 10 մարդու էին ձերբակալել: Նրանք մի երիտասարդի շրջապատից էին, ով արդեն մեկուսարանում է գտնվում, եւ ում նկատմամբ արդեն ահաբեկչության գործով քննություն է իրականացվում: Այդ ժամանակ ձերբակալվածներից եկուսին ազատ էին արձակել՝ առանց մեղադրանք ներկայացնելու:
Այս ձերբակալությունները Ֆրանսիայում անհանգստություն էին առաջացրել՝ մասնավորապես այն պատճառով, որ վտանգի ենթարկված բարձրաստիճան քաղաքական գործիչներին, չնայած կատարվող հետաքննությանը, չէին զգուշացրել, որ նրանց վրա հարձակում է ծրագրվել:
