Առնվազն 7 մարդ է զոհվել Սոմալիի մայրաքաղաքից 40 կմ հյուսիս-արեւմուտք գտնվող Դանիգա բնակավայրում ինքնաշեն պայթուցիկ սարքի գործարկման հետեւանքով: Հոկտեմբերի 22-ին այս մասին հայտնել է Reuters-ը:
Տեղեկությունների համաձայն՝ պայթուցիկ սարքը տեղադրվել է ճամփեզրին: Պայթյունն այն պահին է որոտացել, երբ կողքից գյուղացիներին տեղափոխող միկրոավտոբուսն է անցել:
Հարձակման պատասխանատվությունը տարածաշրջանում գործող ահաբեկչական ոչ մի խմբավորում դեռեւս չի ստանձնել:
Հոկտեմբերի 14-ին պայթուցիկով լցոնված բեռնատարը պայթել էր Մոգադիշոյի «Սաֆարի» հուրանոցի շենքի մոտ: Ահաբեկչության հետեւանքով զոհվել էր 358 մարդ:
