Լոռու մարզում, հոկտեմբերի 21-ին, վրաերթ է տեղի ունեցել. ժամը 14:50-ի սահմաններում, Վանաձորի բժշկական կենտրոնից ոստիկանության Բազումի բաժին հայտնել են, որ գլխուղեղի ցնցում հարցականով, դեմքի աջ կեսի եւ քունքային շրջանի քերծվածքներ, երկու դաստակների քերծվածքներ, կոնքի աջ շրջանի քերծվածքներ ախտորոշմամբ իրենց մոտ է տեղափոխվել մի քաղաքացի:
Shamshyan.com-ի փոխանցմամբ, ոստիկանները պարզել են, որ վիրավորը 26-ամյա Կարեն Մ.-ն է, ով ոստիկաններին հայտնել է, որ մարմնական վնասվածքները ստացել է «Ավտոգեն-Մ» գործարանի մոտ՝ վայր ընկնելու հետեւանքով:
Իրավապահները, սակայն պարզել են, որ նա իրականում նույն օրը՝ ժամը 13:30-ի սահմաններում, վրաերթի է ենթարկվել 40-ամյա Օնիկ Ն.-ի վարած «Opel Vectra» մակնիշի 32LՍ140 համարանիշի ավտոմեքենայով, Վանաձոր քաղաքի Թումանյան փողոցի թիվ 8 հասցեի մոտ:
Աղբյուր տեղեկություններով, վրաերթի ենթարկված Կարեն Մ.-ն աշխատում է Գյուլագարակ գյուղի դպրոցում` որպես զինղեկ: