Կիեւում Ադրբեջանից ներգաղթյալը սպանել է իր հարեւանին սրտին ուղղված մեկ հարվածով։
kiev.informator.ua տեղեկատուն հայնտում է, որ ողբերգական դեպքը տեղի է ունեցել հոկտեմբերի 21-ի գիշերը Գոլոսեեւսկի շրջանի հոսթելում։
Վեճի պատճառների մասին հարեւանները տեղյակ չեն։ Պարետի խոսքով, սովորական երեկո էր։ Ոչ ոք չէր վիճել։ Մի կին տեսել էր, թե ինչպես է հարձակվողը գնացել իր սենյակ՝ քնելու։ Հանկարծ նա աղմուկ է լսել եւ բարձրացել։
«Երբ մտա սենյակ, Շամիլը հրում էր Սաշային։ Ես նրանց միջեւ կանգնեցի։ Մութ էր, եւ ինձ թվաց, թե Շամիլը կծեց իմ ձեռքը, բայց նա ինձ դանակահարել էր, իսկ Սաշային՝ անմիջապես սրտին»,- պատմել է հոսթելի պարետ Ելենան։
Տղամարդը մահացել է սրտին ուղղված մեկ հարվածից։ Նա մոտ 30 տարեկան էր։ Անունն Ալեքսանդր էր։ Այդ հոսթելում բնակվում էր շուրջ 2 ամիս։
Կասկածյալի անունը Շամիլ է։ Նա նույնպես մոտ 30 տարեկան է ադրբեջանցի։ Հոսթելում բնակվում էր մոտ մեկ շաբաթ։ Նրան բերել էր իր եղբայրը՝ Էլքարը։ Սպանությունից հետո նրանք իրերով հանդերձ թաքնվել են։