Տոկիոյի Emonster ընկերությունը Apple-ին դատի է տվել iPhone X-ում «անիմոջի» ապրանքանիշն օգտագործելու համար, հայտնում է The Verge-ը:
Emosnter-ի ղեկավարը հայտարարել է, որ Apple-ն անօրինականորեն յուրացրել է Animoji անվանումը. դեռեւս 2014 թվականին ճապոնական ընկերությունը համանուն բջջային հավելված էր թողարկել, որը թույլ էր տվել ընկերներին անիմացիոն «սմայլիկներ» ուղարկել:
iPhone X-ի նոր գործառույթը նույնպիսի անվանում է ստացել: Դրա եւ դեմքերի ճանաչման տեխնոլոգիայի շնորհիվ Apple-ի դասական էմոջիները կարող են կրկնել սմարթֆոնի տիրոջ զգացումները:
Emonster-ը հայտարարել է, որ Apple-ն իբր փորձել է գնել ապրանքանիշը, սակայն մերժումից հետո որոշել է այն կանխամտածված օգտագործել անօրինականորեն:
