Ռուսաստանը պաշտպանում է Իրաքի պետական ամբողջականությունը եւ անթույլատրելի է համարում Մերձավոր Արեւելքում ազգային եւ կրոնական սկզբունքներով բաժանարար գծեր անցկացնելը։ Այս մասին ասել է ՌԴ ԱԳ նախարար Սերգեյ Լավրովը, փոխանցում է ՏԱՍՍ–ը։
«Ուզում եմ եւս մեկ անգամ հաստատել, որ մենք հավատարիմ ենք Իրաքի ինքնիշխանությանը, տարածքային ամբողջականությանը, ուզում ենք, որ առաջացող բոլոր խնդիրները լուծվեն բացառապես ազգային երկխոսության հիման վրա, բոլոր էթնիկ, կրոնական եւ քաղաքական խմբերի մասնակցությամբ եւ նրանց շահերից ելնելով»,– ասել է Լավրովը Իրաքի ԱԳ նախարար Իբրահիմ ալ Ջաֆարիի հետ համատեղ ասուլիսի բացմանը։
Լավրովը նաեւ նշել է, որ իրավիճակի կարգավորմանն ու բանակցություններում առաջընթացին զուգահեռ՝ շատ կարեւոր է թույլ չտալ կրոնական կամ էթնիկ սկզբունքով նոր բաժանարար գծերի ստեղծումը եւ հների հաղթահարումը
