Թուրք զինվորականների ներխուժումը Իդլիբ եւ ամերիկյան զինվորականների ներկայությունը Էթ Թանֆեում Սիրիան կոպիտ ագրեսիա է համարում եւ համարժեք պատասխանի իրավունք ունի:
Այդ մասին « ՌԻԱ Նովոստիին » տված հարցազրույցում հայտնել է Սիրիայի ինֆորմացիայի նախարար Մուհամմեդ Ռամիզ Թարջամանը:
«Բոլորը գիտեն, որ կա ագրեսիա, եւ թուրքական որոշ ստորաբաժանումներ ներխուժել են Իդլիբ ու ուրիշ սահմանամերձ տարածքներ, ինչպես նաեւ որոշ տարածքներում՝ հյուսիսային բազաներում ու Էթ Թանֆեում առկա է ամերիկյան ներկայությունը: Այս ամբողջը մենք դիտարկում ենք որպես կոպիտ ագրեսիա, որը խախտում է Սիրիայի ինքնավարությունը, միջազգային իրավունքն ու ՄԱԿ բանաձեւերը», — հայտարարել է Թարջամանը:
Նա նշել է, որ Դամասկոսը մտադիր է վերականգնել վերահսկողությունը սիրիական ամբողջ տարածքի վրա:
«Մենք իրավունք ունենք պատասխանել այդ ագրեսիային համապատասխան ձեւով եւ համապատասխան ժամանակ: Սիրիական բանակը հսկողություն կսահմանի Սիրիայի յուրաքանչյուր փոքր հատվածի համար՝ հյուսիսից հարավ եւ արեւելքից արեւմուտք», — հայտարարել է նախարարը:
