Պեկինում կայացել է Չինաստանի Կոմունիստական կուսակցության 19-րդ համագումարի նախագահության երկրորդ նիստը, որը նախագահել է Սի Ցզինպինը:
Նիստում որոշում է ընդունվել պատվիրակներին փոխանցել 19-րդ գումարման Չինաստանի ԿԿ Կենտրոնական կոմիտեի անդամների թեկնածուների առաջարկված ցուցակները՝ քննարկելու համար, ինչպես նաեւ ՉԿԿ-ի կարգապահության ստուգման Կենտրոնական հանձնաժողովի անդամների թեկնածուների ցուցակը:
Նիստի ընթացքում ընդունվել է համագումարի ընտրության կարգը, որը քննարկվել է բոլոր պատվիրակությունների կողմից: Նիստի ժամանակ ընդունվել է նաեւ քվեարկության անցկացման հսկիչների ցուցակը, որը համագումարի հաստատմանը կներկայացվի մինչեւ պաշտոնական ընտրությունը սկսելը: