«Ես եմ» ծրագիրը սահմանին կամավորների համար նոր հնարավորությունն է տալիս։ Այս մասին հոկտեմբերի 23-ին ԱԺ–ում «Զինվորական ծառայության եւ զինծառայողի կարգավիճակի մասին» օրենքում քննարկումների ժամանակ ասել է պաշտպանության նախարար Վիգեն Սարգսյանը։
Կամավոր մարտական հերթապահություն իրականացնողները հնարավորություն կստանան ամեն ամիս արձակուրդը տանն անցկացնել, իսկ ծառայության ավարտին միանալ սոցիալական ծրագրերին, օգնություն ստանալ գյուղատնտեսական աշխատանքներ իրականացնելիս։ Ծառայությունից հետո պատվավոր վճարում կստանա, իսկ մահվան դեպքում այդ գումարը կվճարեն նրա ընտանիքին։
Բացի այդ, ժամկետային ծառայության ավարտին նրանց կառաջարկեն պայմանագրային ծառայություն կնքել։