Ամերիկացի վարորդների կարծիքով ամենաանհուսալի մեքենան Chevrolet Camaro-ն է: Ցուցակը կազմել է Consumer Reports–ը ավելի քան 640 հազար մեքենատերերի հարցումների հիման վրա, փոխանցում է «ՌԻԱ Նովոստին»:
Chevrolet Camaro ամերիկացիներին դուր չի գալիս իր շարժահաղորդիչ ու էլեկտրականության խնդիրների պատճառով:
Երկրորդ տեղում Mercedes-Benz GLC-ն է, որոնց վարորդները երբեմն հանդիպում են արգելակման համակարգի, ղեկի վարման եւ կախոցի հետ կապված խոչընդոտների:
Երրորդ հորիզոնականն զբաղեցնում է Jaguar F-Pace-ն՝ իր շարժահաղորդչի եւ էկեկտրականության թերություններով ու սրահի աղմուկով:
Ամենանվազ հուսալի մեքենաների շարքում է նաեւ Tesla Model X-ը, որի թույլ կողմերն են գունավորումը, ներքին հարդարանքը, ջերմային համակարգն ու թափքի որոշ մասերը։
«Հակավարկանիշային» տասնյակում են նաեւ արտաճանապարհային GMC Acadia-ն, Fiat 500-ը, Ford Focus-ն ու Ford Fiesta-ն, ինչպես նաեւ Volvo XC90-ն եւ Cadillac Escalade-ը:
