Մոսկվան Սիրիայի նկատմամբ ԱՄՆ նոր քաղաքականության հետ կապված հարցեր ունի. Ռուսաստանը Վաշինգթոնից համապատասխան պարզաբանումներ ստանալու հույս ունի: Այդ մասին հայտնել է ՌԴ արտգործնախարար Սերգեյ Լավրովը Իրաքի իր գործընկերոջ՝ Իբրահիմ ալ Ջաաֆարիի հետ ունեցած մամուլի ասուլիսի ժամանակ, փոխանցում է «ՌԻԱ Նովոստին»:
«Երբ մենք լսում ենք ԱՄՆ նոր գծի մասին, գիծ, որը ենթադրում է Սիրայի Արաբական Հանրապետության տարածքներում որոշ տեղական խորհուրդների ստեղծում, իհարկե, դրանք մեզ մոտ հարցեր են առաջացնում: Այդ հարցերը մենք Վաշինգթոնին ենք ուղղում եւ հույս ունենք ստանալ ազնիվ ու հասկանալի պատասխան », — ասել է Լավրովը: