Հոկտեմբերի 21-ին, ժամը 18.00-ին, «Ֆոլքսվագեն» մակնիշի ավտոմեքենան Երեւանի Խանջյան փողոցի թիվ 31 շենքի մոտ վրաերթի է ենթարկել 19-ամյա քաղաքացուհու, որը մարմնական վնասվածքներով բուժօգնության է տեղափոխվել հիվանդանոց:
Կատարվում է քննություն:
***
Հոկտեմբերի 21-ին, ժամը 14.50-ին, հիվանդանոցից ոստիկանության Բազումի բաժնում հաղորդում է ստացվել, որ «գլխուղեղի ցնցում՝ հարցականով, դեմքի աջ կեսի եւ քունքային շրջանի քերծվածքներ, երկու դաստակների քերծվածքներ, կոնքի աջ շրջանի քերծվածքներ» ախտորոշմամբ բուժօգնության է ընդունվել 26-ամյա մի երիտասարդ եւ հայտարարել է, որ վնասվածքը ստացել է «Ավտոգեն-Մ» գործարանի մոտ վայր ընկնելու հետեւանքով:
Պարզվել է, որ նույն օրը, ժամը 13.30-ի սահմաններում, «Օպել Վեկտրա» մակնիշի ավտոմեքենայի վարորդը Վանաձորի Թումանյան փողոցի թիվ 8 հասցեի մոտ վրաերթի է ենթարկել նրան եւ տեղափոխել հիվանդանոց:
Կատարվում է քննություն:
***
Հոկտեմբերի 21-ին, ժամը 22.30-ի սահմաններում, «ՎԱԶ-2121» մակնիշի ավտոմեքենան Հաղպատ-Ալավերդի ճանապարհի 1-ին կմ-ին բախվել է «Ֆոլքսվագեն Գոլֆ» մակնիշի ավտոմեքենայի, որն էլ հարվածել է իր առջեւ կանգնած 32-ամյա տղամարդուն, որը մարմնական վնասվածքներով դիմել է հիվանդանոց:
Կատարվում է քննություն: