ԱՄՆ Դաշնային պահուստային համակարգի ղեկավարի պաշտոնի հիմնական հավակնորդներն են Դաշնային պահուստային համակարգի կառավարիչների խորհրդի անդամ Ջերոմ Փաուելը, Սթենֆորդի համալսարանի տնտեսագետ Ջոն Թեյլորը եւ Դաշնային պահուստային համակարգի ղեկավար Ջանեթ Յելենը: Այս մասին ԱՄՆ նախագահ Դոնալդ Թրամփը հայտնել է Fox News-ի հետ զրույցում:
«Տեղյակ եք, որ հանդիպում եմ որոշակի թվով մարդկանց հետ: Մեծ մասն ասում է, Դաշնային պահուստային համակարգի ղեկավարի պաշտոնի թեկնածուների թիվը մինչեւ երկու թեկնածու է կրճատվել՝ Թեյլոր եւ Փաուել: Ես նաեւ հանդիպել եմ Ջանեթ Յելենի հետ, որն ինձ դուր է գալիս»,- նշել է Թրամփը:
«Այսպիսով, թեկնածուները երեքն են, մեկ-երկու մարդ էլ կա: Կասեմ, որ շատ շուտով որոշում կընդունեմ»,- ասել է ԱՄՆ նախագահը:
