Վինսենթ Վան Գոգի «Վարած դաշտը եւ մաճկալը» (Laboureur dans un champ) նկարը Նյու Յորքում աճուրդի կդրվի նախնական գնահատմամբ ավելի քան 50 մլն դոլարով: Այս մասին «ՌԻԱ Նովոստի»-ին հայտնել են Christie's աճուրդի տնից:
Նենսի Լիի եւ Փերրի Բասսայի իմպրեսիոնիստների եւ ժամանակակից արվեստի ստեղծագործությունների հավաքածուում հոլանդացի նկարչի նկարը կդառնա աճուրդի գլխավոր լոտը, որը տեղի է ունենալու նոյեմբերի 13-ին: Christie's-ի ներկայացրած հավաքածուն նշված ժամակահատվածի եւ հետպատերազմական արվեստի 36 աշխատանք է ներառում, որոնց ընդհանուր արժեքը գերազանցում է 120 լն դոլարը: «Վարած դաշտը եւ մաճկալը» նկարը Վան Գոգը ստեղծել է 1889 թվականի օգոստոս-սեպտեմբերին: Կտավում պատկերված է Ֆրանսիայի հարավաում Սուրբ Պողոսի բուժարանում նկարչի սենյակի պատուհանից բացվող տեսարանը, որտեղ նա ապրել է 1889 թվականի մայիսից մինչեւ 1890 թվականի մայիսը:
