VLT աստղադիտակը գիտնականներին օգնել է ստանալ NGC 1316 գալակտիկայի ավելի հստակ լուսանկարները։ Այս գալակտիկան հայտնի է նաեւ «աստծո դեմք» անունով, հայտնում է «ՌԻԱ Նովոստի»–ն՝ վկայակոչելով Եվրոպական հարավային աստղադիտարանը։
Վառարանի համաստեղության NGC 1316 գալակտիկան «տիեզերական ՃՏՊ»–ի դասական օրինակ է, ինչի օգտին է խոսում դրա ոսպնյակաձեւ տեսքը եւ եզրերին գնդաձեւ կուտակումների գրեթե իսպառ բացակայությունը։ Ավանդաբար համարվում է, որ այն աստղային այլ ընտանիքի հետ միայն մեկ անգամ է բախվել մոտ 3 մլրդ տարի առաջ, սակայն վերջերս գիտնականները պարզել են, որ այն փոքր գալակտիկաների մի ամբողջ շղթա է կուլ տվել։
Վերջին լուսանկարները ցույց են տալիս, որ այդ բախումները NGC 1316–ի ներսում ձգել եւ միախառնել են գազի ամպերը։ Դա էլ հանգեցրել է բազմաթիվ աստղերի առաջացման, որոնց ճառագայթումը հատուկ ձեւով է լուսավորել գազի ու փոշու կուտակումները՝ դրանք նմանեցնելով Վերածննդի դարաշրջանի նկարիչների կտավներում Աստծու պատկերին։
VLT աստղադիտակի շնորհիվ Եվրոպական հարավային աստղադիտարանը այդ «աստծո դեմք»–ը եւ նրան հարող գալակտիկաները մանրամասն պատկերող լուսանկարների ռեկորդային քանակ է ստացել։