Անցյալ շաբաթ չինական «Բայդու» ընկերությունը գործընկերների հետ համատեղ ռազմավարական համագործակցության մասին համաձայնագիր էր ստորագրել, որի համաձայն՝ 2018 թվականին պլանավորվում է անվարորդ միկրոցիրկուլյացիոն փոխադրամիջոցների փոքրամասշտաբ եւ կոմերցիոն արտադրություն հիմնել ու փորձնական շահագործման հանձնել։
Ընկերությունը սկսել է առանց վարորդի աշխատող ավտոբուսների սերիական արտադրության ուսումնասիրումն ու նախագծումը։ «Բայդուի» եւ «Ցզինլունի» մշակած ավտոբուսը որոշակի դեպքերում կարող է ամբողջովին անվարորդ երթեւեկություն իրականացնել։ Նա գլխավորապես նախատեսված է վերջին կիլոմետրը հաղթահարելու համար։
Չինաստանի Կոմկուսի գլխավոր քարտուղար Սի Ցզինպինը Կոմկուսի 19-րդ համագումարի ժամանակ ասել էր, որ անհրաժեշտ է արագացնել առաջատար արտադրության զարգացումը, առաջ մղել ինտերնետի, մեծաքանակ տվյալների մշակման տեխնոլոգիաների, արհեստական ինտելեկտի եւ տնտեսության իրական սեկտորի խորը զարգացումը։ Չինաստանի կառավարությունն արդեն արհեստական ինտելեկտի զարգացումը պետական ռազմավարություն է ընդունել։ Պլանավորվում է, որ 2030 թվականին Չինաստանտ արհեստական ինտելեկտի տեսությունը, տեխնոլոգիաներն ու կիրառումը կհասցնի առաջատար մակարդակի, եւ Չինաստանը կդառնա աշխարհում արհեստական ինտելեկտի նորարարական կենտրոն։
