2018 թվականին Հայաստանի պետական ապարատը կկրճատվի գրեթե 5560 մարդով: Հոկտեմբերի 30-ին այս մասին ասաց ֆինանսների նախարար Վարդան Արամյանը՝ ԱԺ ֆինանսավարկային եւ բյուջետային հարցերով մշտական հանձնաժողովում ելույթ ունենալով 2018 թվականի պետական բյուջեի քնարկման ժամանակ:
Նրա խոսքով՝ պետական բյուջեում աշխատավարձի ֆոնդը ընդամենը 3 մլրդ դրամով կկրճատվի: Սա համեմատաբար այնքան էլ մեծ չէ (ըստ ծախսերի՝ 1 տոկոսից մի փոքր ավելի, ըստ աշխատակիցների՝ 4 տոկոսից մի փոքր քիչ), սակայն կրճատումը հիմնականում կվերաբերի նրանց, ովքեր ցածր աշխատավարձով են աշխատում, համատեղությամբ կամ ժամանակավոր պայմանագրով: «Իհարկե, մարդկանց կրճատելը վատ մոտեցում է: Սակայն պետք է ելնել ինչպես աշխատակիցների գործառնությունից, այնպես էլ այն բանից, թե արդյոք նրանք մեծացնում են պետական ապարատի աշխատանքի արդյունավետությունը»,- ասաց Արամյանը:
Այս նուն նպատակով չեն կրճատվի դիվանագետների աշխատավարձերը (դրա համար նրանց կինդեքսավորեն արժույթի փոխարժեքով), իսկ հարկային տեսուչների աշխատավարձերն արդեն բարձրացվել են: Այս պատճառով հիմա Պետական եկամուտների կոմիտեում միջին աշխատավարձը 313 հազար դրամ է (մոտ 650 դոլար), նախկին 80-ի փոխարեն: «Բարձր աշխատավարձը նվազեցնում է հարկային տեսուչների կոռուպցիոն մղումները»,- հավելեց Վարդան Արամյանը:
