2018 թվականին Հայաստանի բյուջետային հատվածում փաստացի միջին աշխատավարձը կմնա նվազագույնին մոտ:

Հոկտեմբերի 30-ին ԱԺ ֆինանսավարկային եւ բյուջետային հարցերով մշտական հանձնաժողովում 2018 թվականի պետական բյուջեի քնարկման ժամանակ ելույթ ունենալիս ֆինանսների նախարար Վարդան Արամյանը նշեց, որ պետական հատվածում ընդամենը զբաղված կլինի 138,5 հազար մարդ (5,5 հազարով կամ գրեթե 4 տոկոսով ավելի քիչ, քան 2017-ին): Աշխատավարձի ընդհանուր ֆոնդը կկազմի 243,5 մլրդ դրամ: Հետեւանբար՝ միջինը յուրաքանչյուրի աշխատավարձը կկազմի ամսական մոտ 47 հազար դրամ (գերեթե 100 դոլար): Սա նվազագույն աշխատավարձից (55 հազար դրամ) քիչ է, սակայն պետք է հաշվի առնել, որ կրթության եւ առողջապահության ոլորտներում (փոքր չափով մյուս ոլորտներում եւս) շատերը կես եւ քառորդ դրույքով են աշխատում:

2018-ին պետական հատվածում կրճատումները կշարունակվեն, այս քաղաքականության մասին հայտարարել է վարչապետ Կարեն Կարապետյանը: Այսպես՝ պետական բուժհաստատություններում զբաղվածության թիվը 34,1-ից կկրճատվի մինչեւ 32,6 հազար, կրթական՝ 66,4-ից մինչեւ 63,6 հազար, կառավարման ապարատում՝ 19,2-ից մինչեւ 18,4 հազար: