Հայաստանում ընդհանուր առմամբ մեծ գնաճ չկա: Հոկտեմբերի 30-ին լրագրողներ հետ զրույցում այս մասին ասաց Կենտրոնական բանկի նախագահ Արթուր Ջավադյանը, որը մասնակցում էր ԱԺ ֆինանսավարկային եւ բյուջետային հարցերով մշտական հանձնաժողովւմ 2018 թվականի պետական բյուջեի նախագծի քննարկմանը:
Նրա խոսքով՝ դինամիկային պետք է հետեւել արանքների ամբողջ զամբյուղում: «Դուք ասում եք՝ կարագը եւ միսը թանկացել են: Փոխարենը էժանացել են շաքարն ու բենզինը եւ ուրիշ շատ ապրանքներ»,- փորձեց մխիթարել Ջավադյանը:
Նա պարզաբանեց, որ ԿԲ-ն կարող է գնային մթնոլորտ թելադրել, սակայն կոնկրետ ապրանքների գների վրա չի կարող անմիջականորեն ազդել: Առանձին ապրանքների վրա կարող էին ներգործել համաշխարհային գների փոփոխությունները կամ ներքին կոնյունկտուրան, սակայն ընդհանուր առմամբ սաստիկ գնաճ չկա:
ԿԲ նախագահը նշեց, որ 2017 թվականի հոկտեմբերին 12-ամսյա ինֆլյացիան կազմել է 1,7 տոկոս, իսկ տարեվերջին ԿԲ-ն ակնկալում է 2,5-2,6 տոկոս: Արդեն 2018-ի վերջին ԿԲ-ն ցանկանում է այն հասցնել թիրախային 4 տոկոսի մակարդակին: Սակայն դրանից պետք չէ վախենալ: «Անցյալ տարի մեզ մոտ ընդհանրապես դեֆլյացիա էր: Իսկ տնտեսության համար դա ընդհանրապես լավ չէ: Ներդրումներն ու աշխատատեղերն են կրճատվում: Մենք ձգտում ենք չափավոր ինֆլյացիոն ֆոնի: Եվ հիմա այն մեզ մոտ տարածաշրջանում ամենացածրն է»,- եզրափակեց ԿԲ նախագահը:
Նշենք, որ պաշտոնական վիճակագրական տվյալներով՝ 2017-ի առաջին 9 ամիսներին տավարի միսը թանկացել է 6,6 տոկոսով, կարագը՝ 18,7 տոկոսով: Իրականում, մեղմ ասած, պատկերը մի փոքր այլ է: Դրանում համոզվելու համար բավական է այցելել ցանկացած մթերային խանութ կամ շուկա: