2017 թվականի հուվար-հոկտեմբերին արտասահմանից Հայաստան ֆիզիկական անձանց դրամական փոխանցումները 15,5 տոկոսով աճել են: Հոկտեմբերի 30-ին լրագրողներ հետ զրույցում այս մասին ասաց Կենտրոնական բանկի նախագահ Արթուր Ջավադյանը, որը մասնակցում էր ԱԺ ֆինանսավարկային եւ բյուջետային հարցերով մշտական հանձնաժողովւմ 2018 թվականի պետական բյուջեի նախագծի քննարկմանը:
Խոսքը զուտ ներհոսքի մասին է, այսինքն՝ այն մասին, թե արտասահմանից եկածը որքանով է մեծ արտասահման փոխանցածից: Հրապարակված վերջին վիճակագրությամբ՝ հունվար-օգոստոսին աճը կազմել է գրեթե 10 տոկոս, սեպտեմբեր-հոկտեմբերին ներհոսքը շարունակել է աճել: Հիմնականում փող են ուղարկում Ռուսաստանից: Հունվար-օգոստոսին նրան բաժին է հասել 87 տոկոսը կամ 409,5 մլն դոլար:
Նախկինում Հայաստանի իշխանությունները բազմիցս նշել են, որ չափից ավելի տրանսֆերտները տնտեսությանը վնասում են, որովհետեւ եկամուտները պետք է աշխատանքային լինեն: Սակայն այն մասին, թե երկրում ինչպես ստեղծել այս աշխատանքային եկամուտները, առայժմ արդյունավետ պատասխան չեն տալիս:
Դրանից բացի, տրանսֆերտները շուկան արտասահմանյան արժույթով են լցնում: Իսկ դա կարող է ավելորդ անգամ հայկական դրամն արժեւորել՝ իր բոլոր բացասական հետեւանքներով (արտահանման եւ ներմուծման համար): Այս պատճառով տարեսկզբին ԿԲ-ն շուկա բաց թողեց մոտ 100 մլն դոլար (դրամով փոխարկված)՝ շուկայում արժույթ գնելով:
