Օրեր առաջ Թուրքիայի Մերսին քաղաքի Յենիշեհիր թաղամասում ընթացքի ժամանակ ոստիկաններին տեղափոխող ավտոբուսի պայթեցման հետ կապված հայտարարություն է տարածել PKK–ն (Քուրդիստանի բանվորական կուսակցություն)։
Թուրքական Demokrathaber կայքի փոխանցմամբ՝ PKK–ի տարածած հայտարարության մեջ նշվել է, թե քուրդ զինյլաները պայթեցրել են 29 ոստիկանի տեղափոխող ավտոբուսը, որի հետեւանքով սպանվել է 10 եւ վիրավորվել՝ 19 ոստիկան։ «Գործողությունն իրականացրած մեր զինյալները անվտանգ հեռացել են տարածքից»,–նշվել է հաղորդագրության մեջ։
Նշենք, որ հոկտեմբերի 17–ին Մերսինի Յենիշեհիր թաղամասում ոստիկաններին տեղափոխող ավտոբուսը հեռակավարվող պայթուցիկ սարքի միջոցով պայթեցվել էր։