2018 թվականին Հայաստանը 40 տոկոսով ավելի շատ ԵՏՄ մաքսային հատկացումներ կստանա: Այս մասին նշված է Հայաստանի 2018 թվականի պետական բյուջեի նախագծում, որի քննարկումները տեղի են ունենում ԱԺ մշտական հանձնաժողովներում:

Իշխանություններն ակնկալում են, որ երկիրն ընդհանուր կստանա 74,1 մլրդ դրամ (մոտ 154 մլն դոլար): Սա 2018 թվականին ԵՏՄ մաքսային բոլոր կանխատեսվող մուտքերի 1,22 տոկոսն է (հիմք է վերցված մյուս տարի ԵՏՄ երկրներ ներմուծման մասով ԱՄՀ կանխատեսումը): Սպասումները դրական են՝ Ռուսաստանի տնտեսության վերականգնվող աճի շնորհիվ: