Իրաքի զինվորականները պատրաստվում են հսկողության տակ վերցնել Քուրդիստանի եւ Սիրիայի սահմանը: Այդ մասին հաղորդում է Reuters-ը՝ հղում անելով Իրաքի ՊՆ հայտարարությանը:
Իրաքի բանակի շտաբի պետ գեներալ-լեյտենանտ Օսման ալ Ղանմի գլխավորած պատվիրակությունը այցելել է Իրաքի հյուսիս-արևմուտքում՝ Իրաքի, Թուրքիայի և Սիրիայի սահմանների հատման կետում գտնվող Ֆիշ Խաբուր բնակավայր:
Այցի նպատակը միջազգային սահմանի հսկումն է: Հայտարարության մեջ ասվում է Իրաքի և Թուրքիայի ու Սիրիայի հետ սահմանակից 2 շրջանի մասին, համապատասխանաբար՝ Իբրահիմ ալ Խալիլն և Ռիբա Խաբուրը:
Ավելի վաղ՝ երեքշաբթի, Իրաքի պաշտոնական անձինք Reuters-ին հաղորդել են, որ Իրաքի մաքսավորները իրենց հսկողության տակ են վերցրել Թուրքիայի հետ գլխավոր ցամաքային անցումը՝ Իբրահիմ ալ Խալիլը:
