Իրանի միջուկային ծրագրի իրավիճակի կարգավորման շուրջ ԳՀՀՊ թեման կարող է քննարկվել ՌԴ նախագահ Վլադիմիր Պուտինի ու Իրանի ղեկավարության հանդիպման ժամանակ, հաղորդում է «ՌԻԱ Նովոստին»:
Պուտինը այցով Իրանում կլինի նոյեմբերի 1-ին:
«ՌԴ նախագահի ու Իրանի ղեկավարության հետ հանդիպման ընթացքում ծրագրվում է անդրադառնալ հարցերի լայն շրջանակի՝ ներառյալ արդիական տարածաշրջանային թեմաներ, այդ թվում նաեւ իրավիճակը Սիրիայում: Ենթադրվում է նաեւ Իրանի միջուկային ծրագրի իրավիճակի կարգավորման շուրջ ԳՀՀՊ թեմայի քննարկում»,- փոխանցում է գործակալությունը:
Պուտինի՝ Թեհրան կատարվելիք այցի ժամանակ ծրագրվում են նաեւ երկկողմ հանդիպումներ երկրի ղեկավարության հետ եւ եռակողմ հանդիպում Ադրբեջանի, Իրանի ու Ռուսաստանի նախագահների միջեւ:
