Հոկտեմբերի 30-31-ը Ժնեւի Ազգերի Պալատում կայացել է շենքերում էներգաարդյունավետության չափորոշիչների վերաբերյալ համատեղ նպատակային աշխատանքային խմբի հանդիպում, որին մասնակցել է ՀՀ ԿԱ քաղաքաշինության պետական կոմիտեի նախագահի խորհրդական Արմեն Մինասյանը:
Հանդիպման ընթացքում քննարկվել են շենքերում գոյություն ունեցող էներգաարդյունավետության ստանդարտների, դրանց արդյունավետ կիրառության մարտահրավերների, ինչպես նաեւ` շենքերում էներգաարդյունավետության ստանդարտների բարելավման եւ կիրառման վերաբերյալ հարցեր, որի վերաբերյալ Ա. Մինասյանը եւս ելույթ ունենալով ներկայացրել Է Հայաստանի փորձն ու ձեռքբերումները:
Հավելենք, որ ՄԱԿ ԵՏՀ բնակարանային տնտեսության եւ հողի կառավարման եւ կայուն էներգիայի կոմիտեները հավանության էին արժանացրել շենքերում էներգաարդյունավետության չափորոշիչների միասնական աշխատանքային խմբի ստեղծմանը, որի կազմում են լինելու անդամ պետությունների, հասարակական եւ միջազգային կազմակերպությունների ներկայացուցիչներ:
