Կոմիտաս 54բ հասցեում այսօր՝ նոյեմբերի 1-ին, բացվել է Ինեկոբանկի նոր` «Կոմիտաս 2» բիզնես մասնաճյուղը:
Նորաբաց մասնաճյուղն իրավաբանական անձանց եւ անհատ ձեռնարկատերերին կառաջարկի բանկային ծառայությունների ամբողջական փաթեթ` բիզնես վարկեր, առեւտրի ֆինանսավորման եւ բիզնես գործիքներ, հաշիվների սպասարկում եւ այլ ծառայություններ:
Բիզնեսի եւ անհատների համար սեգմենտավորված մասնաճյուղերի բացումը Ինեկոբանկի ռազմավարական ուղղություններից է, որով բանկը ապահովում է իր առջեւ դրված առաջնային նպատակներից մեկը` հաճախորդների հարմարավետ սպասարկումը:
Մասնաճյուղի բացման հանդիսավոր արարողությանը ներկա էին բանկի ղեկավար անձնակազմը, հաճախորդներ, հյուրեր: Ողջույնի խոսքով հանդես եկավ Ինեկոբանկի Կորպորատիվ բիզնեսի տնօրեն Ա. Չիչյանը` նշելով.
«Մասնաճյուղերի սեգմենտավորումը ըստ հաճախորդի տեսակի բանկի բարեփոխումների ծրագրի մի մասն է կազմում, որի նպատակն է ունենալ հաճախորդի հենց այդ սեգմենտին հարմարեցված մասնաճյուղ, ինչն էլ իր հերթին կապահովի սպասարկման բարձր մակարդակ: Ճիշտ է, այսօր Ինեկոբանկը տրամադրում է հաշիվների հեռահար կառավարման հարուստ գործիքակազմ, բայց զուգահեռ կարեւորում է նաեւ մասնաճյուղերում հաճախորդների հարմարավետ սպասարկումը` դրանով իսկ բավարարելով տարբեր պահանջմուքներ ունեցող հաճախորդների կարիքները:
Այժմ Արաբկիր համայնքում մենք ունենք 3 մաասնաճյուղ:
Նորաբաց «Կոմիտաս 2» բիզնես մասնաճյուղը, Կոմիտաս 39 հասցեում գործող «Կոմիտաս» մասնաճյուղը, որը վերաբացվել է որպես մանրածախ մասնաճյուղ, եւ «Արաբկիր» մանրածախ մասնաճյուղը, որը գտնվում է Կոմիտաս 38 հասցեում եւ արդեն 5 տարի է մատուցում է բարձրորակ բանկային ծառայություններ իր բոլոր հաճախորդներին:
Մասնաճյուղերի աշխարհագրական դիրքերը ընտրվել են երկար ուսումնասիրություններից հետո, դրանք գտնվում են Արակբիր համայնքի բանուկ հատվածներում, ինչը թույլ է տալիս հաճախորդներին կատարել իրենց բանկային գործարքներն առանց առօրյա գործերից կտրվելու»:
Նորաբաց «Կոմիտաս 2» մասնաճյուղն աշխատելու է երկուշաբթի - ուրբաթ, ժամը 09:05-17:00, շաբաթ` ժամը 10:00-15:00: