News
Լրահոս
News
Երեքշաբթի
Հոկտեմբեր 16
Տեսնել լրահոսը

ՀՀ էներգետիկ ենթակառուցվածքների եւ բնական պաշարների նախարար Աշոտ Մանուկյանը նոյեմբերի 1-ին մասնակցել է Հանքարդյունաբերության եւ բնական պաշարների տարեկան միջազգային կոնֆերանսի շրջանակներում Մելբուռնում մեկնարկած Հանքարդյունաբերողների վեհաժողովին, որտեղ ներկայացվել են աշխարհի տարբեր երկրներում հանքարդյունաբերության ոլորտի նվաճումները, ոլորտի կարգավորման ու  վերահսկողության ժամանակակից մոտեցումները, հանքարդյունաբերության օպտիմալացման եւ էներգախնայող տեխնոլոգիաների ներդրման հնարավորությունները, շրջակա միջավայրի վրա ազդեցության նվազեցման նորագույն լուծումները:

Վեհաժողովում նախարարը ներկայացրել է Հայաստանում գործող ընդերքի օրենսդրությունը, մեր երկրի ներդրումային միջավայրը, ընդերքօգտագործման ոլորտում լիցենզիաների ու երեւակման թույլտվությունների տրամադրման կարգն ու պայմանները:

Հանքային պաշարների միավորված կոմիտեի (JORC) նախագահ Սթիվ Հանթի հետ Աշոտ Մանուկյանը քննարկել է ընդերքի օրենսդրության զարգացման, ոլորտի կարգավորման կատարելագործման ուղղությունները:

Հանքարդյունաբերության միջազգային ստանդարտների կազմակերպության գլխավոր գործադիր տնօրեն Ռոբերտ Միլբուրնի հետ հանդիպման ընթացքում կարեւորվել են մարդու առողջության եւ շրջակա միջավայրի վրա հանքարդյունաբերության բացասական ազդեցության չեզոքացման խնդիրները:

Նշենք, որ Հանքարդյունաբերության եւ բնական պաշարների տարեկան միջազգային համաժողովին մասնակցում են շուրջ 150 հանքարդյունաբերող ընկերություններ եւ ավելի քան 3000 պատվիրակներ՝ աշխարհի 77 երկրներից:

Տպել
Կարդացեք նաև
Ամբողջը
Մեքսիկայի ընտրված նախագահը խոստացել է փրկել երկրի նավթի արդյունաբերությունը
Վերջին 6 տարում ընկերությունը նավթի արդյունահանումը կրճատել է 28 տոկոսով…
OPEC-ը 2018 եւ 2019 թվականներին նավթի համաշխարհային պահանջարկի աճի կանխատեսումը նվազեցրել է
2019 թվականին նավթի համաշխարհային պահանջարկի կանխատեսումը օրական նվազել է 50 հազար բարելով` մինչեւ 1,36 մլն բարել...
Նավթի համաշխարհային գները նվազում են
Brent տեսակի նավթի ֆյուչերսները՝ դեկտեմբերյան մատակարարումներով նվազել են 1,82 տոկոսով…
Գազի գնի նվազեցման հնարավորության մասին վաղ է խոսելը. Էներգետիկայի նորանշանակ նախարար
Եթե խոսում ենք 2019 թվականին գազի գնի նվազեցման հնարավորությունների մասին, երբ կունենանք հաշվեկշիռները...
Ինչո՞ւ է Գարեգին Բաղրամյանը համաձայնել դառնալ Էներգետիկայի նախարար. Նա հույս ունի շարունակել պաշտոնավարել 2 ամիս անց
Եղել է առաջարկ վարչապետի կողմից եւ ցանկացած մասնագետի համար, որին արվում է առաջարկ եւ վստահություն է հայտնվում...
Ռուսաստանը մինչեւ դեկտեմբերի 31-ը Հայաստանին գազ կմատակարարի 150 դոլարով
Ըստ նախագծի՝ բնական գազի գինը Հայաստանի Հանրապետության համար 2018 թվականի հունվարի 1-ից մինչեւ 2018 թվականի դեկտեմբերի 31-ը ներառյալ կլինի 150 դոլար՝ հազար խմ-ի համար...
Partner news