Հայաստանի բնակչության բարեկեցությունը նկատելի է լայն սպառման ապրանքների ներկրմամբ: Նոյեմբերի 2-ին մամուլի ասուլիսի ժամանակ այս մասին ասաց վարչապետ Կարեն Կարապետյանը:
Նրա խոսքով՝ մասնավորապես 2017 թվականի առաջին 9 ամիսներին մեծացել է կենցաղային տեխնիկայի եւ տնային տնտեսության ապրանքների ներկրումը (մասնավորապես՝ լվացքի մեքենաներինը 14-ից 16 հազար, սառնարաններին՝ 277-ից 342 հազար): Տարբեր խմբերում տեխնիկայի եւ կահույքի ներկրումն ընդհանուր աճել է 16-ից մինչեւ 246 տոկոսով: Աճել է նաեւ մեքենաների եւ անվադողերի ներկրումը, ըստ որում՝ ավելի քան 2 անգամ: Բերվել է 23,8 հազար մեքենա՝ 10,9 հազարի համեմատությամբ (+119 տոկոս), 156-ց մինչեւ 350 հազար անվադող (+125 տոկոս):
