Որեւիցե պայմանավորվածության մասին խոսելն ապարդյուն է: Այս մասին այսօր՝ նոյեմբերի 2-ին, հրավիրված մամուլի ասուլիսի ժամանակ ասաց վարչապետ Կարեն Կարապետյանը՝ պատասխանելով հարցին, թե ճիշտ են տեղեկությունները, որ Սերժ Սարգսյանի հետ պայմանավորվածություն է ձեռք բերվել՝ Կարեն Կարապետյանը 2018թ. ապրիլի 9-ից հետո լինելու է ՀՀ փոխվարչապետ:
«Ապրիլի 9-ից հետո ՀՀԿ-ն առաջարկելու է վարչապետի թեկնածուն կոալիցիոն գործընկերոջ հետ: Նման քննարկումներ մենք չենք ունեցել, որեւիցե պայմանավորվածության մասին խոսելն ապարդյուն է»,- ասաց Կարեն Կարապետյանը:
Նշենք, որ քաղաքական կուլիսների այսօրվա թիվ մեկ թեման՝ ով է լինելու ՀՀ վարչապետը 2018թ. ապրիլի 9-ից հետո: Լուրեր կան, որ արդեն իսկ պայմանավորվածություն է ձեռք բերվել՝ ՀՀ վարչապետ կլինի Սերժ Սարգսյանը, իսկ փոխվարչապետ՝ Կարեն Կարապետյանը:
