«Սասնա ծռեր» խմբի անդամներին օժանդակելու մեղադրանքով կալանքի տակ գտնվող Կարո Եղնուկյանին քիչ առաջ քաղաքացիական հիվանդանոցից տեղափոել են «Երեւան կենտրոն» ՔԿՀ: Այս մասին NEWS.am-ի հետ զրույցում ասաց նրա շահերի պաշտպան Տիգրան Հայրապետյանը: Նա նշեց, որ Կարո Եղնուկյանը ունեցել է արյան բարձր ճնշում եւ հաճախասրտություն (տախիկարդիա): Պաշտպանի խոսքով, նրա վիճակն արդեն կարգավորվել է, Կարո Եղնուկյանն իրեն արդեն լավ է զգում:
Ավելի վաղ տեղեկացրել էինք, որ Երեւանի Ավան եւ Նոր Նորք վարչական շրջանների ընդհանուր իրավասության դատարանում այսօր Կարո Եղնուկյանի ինքնազգացողությունը վատացել էր, նրան շտապօգնության մեքենայով տեղափոխել էին Երեւանի «Սուրբ Գրիգոր Լուսավորիչ» բժշկական կենտրոնի վերակենդանացման բաժանմունք: