News
Լրահոս
News
Ուրբաթ
Մարտ 29
Տեսնել լրահոսը

ՀՀ ԱԺ նախագահն ընդունել է Նիկոլայ Ռիժկովի գլխավորած պատվիրակությանը

ՀՀ ԱԺ նախագահ Արա Բաբլոյանը նոյեմբերի 2-ին ընդունել է ՌԴ ԴԺ եւ ՀՀ ԱԺ միջեւ համագործակցության հանձանժողովի համանախագահ, ՌԴ Դաշնային խորհրդի անդամ Նիկոլայ Ռիժկովի գլխավորած պատվիրակությանը:

Ողջունելով ՌԴ ԴԺ եւ ՀՀ ԱԺ միջեւ համագործակցության հանձանժողովի 30-րդ նիստի մասնակիցներին ՀՀ Ազգային ժողովում՝ Արա Բաբլոյանը նշել է, որ այս տարի նշվում է Հայաստանի Հանրապետության եւ Ռուսաստանի Դաշնության միջեւ դիվանագիտական հարաբերությունների հաստատման 25-ամյակը. այդ իրադարձության շնորհիվ հայ-ռուսական դաշնակցային հարաբերությունները թեւակոխել են ժամանակակից փուլ:

Խորհրդարանի ղեկավարը փաստել է, որ աշխույժ երկխոսությունը բոլոր մակարդակներում երկկողմ հարաբերությունների հետեւողական զարգացման գրավականն է:

Արա Բաբլոյանի խոսքով՝ Հայաստանը եւ Ռուսաստանը, լինելով ԵՏՄ անդամներ, որակական նոր աստիճանի են հասցրել առեւտրատնտեսական փոխգործակցությունը:

ՀՀ ԱԺ նախագահն անդրադարձել է հայ-ռուսական միջխորհրդարանական փոխգործակցությանը՝ դիտարկելով այն որպես համագործակցության կարեւոր տարր: Այս համատեքստում խորհրդարանի ղեկավարն ընդգծել է միջխորհրդարանական հանձնաժողովի գործունեության կարեւորությունը, որը բաց եւ կառուցողական երկխոսության պահանջված հարթակ է երկու երկրների օրենսդիր եւ գործադիր իշխանությունների, ինչպես նաեւ գործարար շրջանակների համար:

ՀՀ ԱԺ նախագահը կարեւորել է նաեւ համագործակցությունը եւ փոխադարձ աջակցությունը միջազգային հարթակներում:

Նիկոլայ Ռիժկովը, շնորհակալություն հայտնելով ընդունելության համար, արժեւորել է Ռուսաստանի եւ Հայաստանի խորհրդարանների միջեւ համագործակցության հանձնաժողովի շուրջ քսանամյա գործունեությանը: Նա, կարեւորելով թե՛ Ռուսաստանում, թե՛ Հայաստանում տարին երկու անգամ անցկացվող հանդիպումները, բարձր է գնահատել երեսուներորդ նիստում հնչած հայ եւ ռուս գործընկերների կառուցողական զեկույցները:

Հանդիպման ավարտին զրուցակիցներն անդրադարձել են ԵՏՄ շրջանակում արձանագրված առաջընթացին եւ համագործակցության ընդլայնման հնարավորություններին:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Զախարովա. Հայաստանը ողջ աշխարհի աչքի առաջ վերածում են Արեւմուտքի վտանգավոր պլանների իրականացման գործիքի
Հայաստանը՝ հավաքական Արեւմուտքի վտանգավոր պլանների իրականացման գործիք...
Ինչքան մեզ է պետք եղել ռուս սահմանապահների ներկայությունը ՀՀ-ում, երկու այդքան էլ ՌԴ-ին է պետք եղել. ԱԺ նախագահ
Պետք է ֆիքսել, որ Հայաստանն անկախ պետություն է, պետք է այդ մտքի հետ մերվել, հաշվի նստել…
«Ռոսատոմ»-ը կարող է Հայաստանին 50-1000 ՄՎտ հզորությամբ միջուկային ռեակտորներ առաջարկել. Կիրիլ Կոմարով 
Նրա խոսքով, Հայաստանի իշխանություններն իրենք են որոշելու, թե որ բլոկն ընտրել...
20 ռուսական ընկերություններ ՀՀ-ում մասնակցել են սննդի ոլորտում գործարար առաքելության միջոցառմանը
Երկու երկրների միջև մենք տեսնում ենք համագործակցության մեծ ներուժ, որը կարելի է իրացնել արտադրության ոլորտում կոոպերացիոն շղթաների ստեղծման...
Պեսկով. Բարեկամ Հայաստանի հետ հարաբերություններում բավականին բարդ շրջան ենք ապրում
Պեսկովի խոսքով, «կովկասյան տարածաշրջանը, ցավոք, գրավում է տարբեր արտատարածաշրջանային ուժերի ուշադրությունը...
«Ժողովուրդ». Հայաստանի իշխանությունները չեն գնացել ՌԴ դեսպանատուն, չեն ցավակցել
Իշխանականներից միայն ՀՀ նախագահ Վահագն Խաչատուրյանն ու ՔՊ-ական ռուս պատգամավոր Ալեքսեյ...
Ամենաշատ