ԱՊՀ երկրների վարչապետները Տաշքենդում կայացած հանդիպումից հետո Համագործակցության  շրջանակներում ստորագրել են ահաբեկչության եւ ծայրահեղականության այլ բռնի դրսեւորումների դեմ պայքարի ոլորտում տեղեկատվության փոխանակման մասին համաձայնագիր:

Բացի դրանից, որոշվել է միջոցներ հատկացնել 2018 թվականին  ՀՕՊ ստեղծման եւ զարգացման համար, հաղորդում է «ՌԻԱ Նովոստին»:

Նրանք նաեւ ստորագրել են ԱՊՀ անդամ պետությունների միասնական հակաօդային պաշտպանության համակարգի ստեղծման եւ զարգացման համար հատկացվող միջոցների օգտագործման եւ 2016 թվականին ԱՊՀ Պաշտպանության նախարարների խորհրդին առընթեր հակաօդային պաշտպանության հարցերով համակարգող հանձնաժողովի գործունեության  ապահովման մասին որոշումը: