2018 թվականին Հայաստանի սեյսմիկ ցանցի բյուջեն կկրճատվի: Այս մասին նոյեմբերի 3-ին հայտարարել է ՀՀ արտակարգ իրավիճակների նախարար Դավիթ Տոնոյանը` ելույթ ունենալով ԱԺ մշտական հանձնաժողովներում 2018 թվականի պետական բյուջեի նախագծի վերաբերյալ լսումներին:
2018-ին Սեյսմիկ պաշտպանության ծառայության ծախսերը 7,8 տոկոսով կկրճատվեն՝ մինչեւ 733.8 մլն դրամ (մոտ 1,53 մլն դոլար):
Տեխնիկական մասի ծախսերն անփոփոխ կմնան, կկրճատվեն միայն հաստիքների եւ կառավարման ծախսերը:
«Առաջիկա տարիներին մենք ցանկանում ենք Համաշխարհային բանկի եւ այլ վարկատուների հետ պայմանավորվել սեյսմիկ կայանների վերասարքավորման համար: Այն նախատեսված է կառավարության 5-ամյա ծրագրով»,- հավելել է նախարարը: