Ճապոնիայի պաշտպանության նախարարությունը ծրագրում է մինչեւ 2023 թ․ տեղադրել երկրում առաջին ռադարը, որը հատուկ նախատեսված է Երկրի ուղեծրում տիեզերական աղբին հետեւելու համար։ Այս մասին նոյեմբերի 4-ին հայտնել է ՏԱՍՍ-ը՝ վկայակոչելով Sankei Shimbun թերթը։
Թերթի տեղեկություններով՝ ռադարը գտնվելու է ճապոնական ինքնապաշտպանության ուժերի օբյեկտներից մեկի տարածքում՝ Յամագուտի պրեֆեկտուրայում։ Դրա հիմնական խնդիրն է լինելու ստանալ օպերատիվ տեղեկատվություն աղբի տեղաշարժի մասին, որպեսզի շտկեն դրանց ուղեծրերը ճապոնական արբանյակներին դրանց բախման սպառնալիքի դեպքում։ Ռադարը նաեւ կօգտագործեն տիեզերական սարքերի ոչնչացման համար զենքի հնարավոր կիրառման մշտադիտարկման համար։
Ճապոնիայի ՊՆ-ն ծրագրում է այդ նպատակների համար ծախսել մոտ 4․4 մլրդ իեն։Ակնկալվում է, որ միջոցների անհրաժեշտ ծավալը ամրագրվելու է 2018 ֆինանսական տարվա համար պետական բյուջեում։
ՄԱԿ փորձագետների գնահատականով՝ մեր մոլորակի շուրջ պտտվում է մոտ 300 հազար զանազան արհեստական օբյեկտներ ՝ մինչեւ 5 հազար տոննա ընդհանուր զանգվածով։