News
Լրահոս
News
Շաբաթ
Մայիս 28
USD
448.18
EUR
479.46
RUB
6.83
Տեսնել լրահոսը

Սաուդյան Արաբիայի կոռուպցիայի դեմ պայքարի կոմիտեի աշխատակիցները ձերբակալել են 11 արքայազների եւ 4 գործող նախարարների։ Reuters-ը, վկայակոչելով բարձրաստիճան սաուդյան պաշտոնյայի, հայտնում է, թե կոմիտեն ստեղծվել է Սալման բին Աբդուլ Ազիզի հրամանով, շաբաթ երեկոյան, եւ այն ղեկավարում է թագաժառանգ Մոհամեդ բին Սալմանը։ 

Աղբյուրի փոխանցմամբ, ձերբակալվել է միլիարդատեր արքայազն ալ Վալիդ բին Թալալը, որին պատկանում է «Kingdom Holding 4280.SE» ներդրումային ընկերությունը եւ ֆինանսների նախկին նախարար Իբրահիմ ալ Ասաֆը:

Արքայազն Ալ Վալիդ

Սաուդյան թագավոր Սալմանը նախօրեին հայտարարել էր կոռուպցիայի դեմ նոր հանձնաժողովի ստեղծման մասին, որը կնախագահի գահաժառանգ արքայազնՄուհամեդ բին Սալմանը:

Սաուդյան Al Arabiya հեռուստաընկերությունը հաղորդել է, որ մարմնի կարգադրությամբ 11 արքայազն է ձերբակալվել, 4 նախարար եւ մոտ 10 նախկին նախարար:

Սալման Թագավոր

Գահաժառանգ արքայազնը ղեկավարում է տնտեսական բարեփոխումների ծրագիրը, որը նպտակի ունի մեծ թվով ներդրումներ ներգրավել:

Սալման թագավորը նաեւ անվտանգության եւ տնտեսության հարցով երկու նախարար է նշանակել, որի արդյունքում թագավորկան ընտանիքի հայտնի անդամներից մեկը դարձել է Ազգային գվարիայի ղեկավար:

Միտեբ բեն Աբդուլա արքայազնը փոխարինել է Ազգային գվարդիայի նախարար Խալեդ բեն Այյաֆին, իսկ տնտեսության նախարար Ադել Ֆակիխին թագավորական հրամանի համաձայն փոխարինել է Մուհամեդ ալ Տուվայրը:

Միտեբ արքայազնը՝ հանգուցյալ Աբդուլա թագավորի որդին, նախկինում հիմնական գահաժառանգն էր համարվում, մինչ երկու տարի առաջ Մուհամեդ արքայազնն անսպասելի գահ բարձրացավ:

Կաբինետում կադրային փոփոխություններն օգնեցին ամրապնդել Մուհամեդի վերահսկողությունը անվտագնգության ինստիտուտների նկատմամբ, որոնք նախկնում ղեկավարվում էին իշխող ընտանիքի առանձին հզոր ճյուղերով:

Գահաժառանգ արքայազն Մուհամեդ

Մուհամեդ արքայազնը կգլխավորի կոռուպցիայի դեմ պայքարի նոր մարմինը, որին լայն իրավասություններ կտրվեն գործերի հետաքննության, կալանքի հրամանագրերի տրման, ուղեւորություների սահմանափակման եւ ակտիվներևի սառեցման համար:

Ալ վալիդ իբն Թալալ իբն Աբդել Ազզիզ Ալ Սաուդ, որն ավելի հայտնի է որպես ալ Վալիդ արքայազն, Սաուդյան թագավորական ընտանիք անդամ է, ներկայիս թագավորի զարմիկը, գործարար եւ միջազգաին ներդրող:

Իր ունեցվածքը կուտակել է ներդրումային նախագծերի եւ բաժնետոմսերի ձեռքբերման շնորհիվ: 2007-ին նրա սեփական կապիտալը 21,5 մլրդ էր գնահատվում(«Forbes» տվյալներով):

Նա աշխարհի ամենահարուստ մարդկանց ցուցակում 22-րդ տեղն է զբաղեցնում:

 «Time» ամսագիրը նրան «արաբական Ուորեն Բաֆետ» է անվանել:

Արքայազնը առաջինն էր աշխարհում, որ իր համար Airbus A380 Super Jumbo պատվիրեց: Գործարքի գինը մոտ 488 մլն ամերիկյան դոլար էր: Ինքնաթիռում մարմարից թուրքական բաղնիք կա, 10 տեղանոց համերգասրահ եւ ռոլս ռոյսի համար ավտոտնակ:

Բացի այդ, ինքնաթիռում մի քանի առանձին համար կա, որոնցից յուրաքանչյուրի մեջ աղոթքի էլեկտրական գորգ եւ մշտապես Մեքքային նայող մատուռ է ստեղծվել:

«Բարօրության հատուկ սենյակ» կա նաեւ՝ հատակին հսկայական էկրանով, որով կարելի է վերեւից նայել երկրին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Սաուդյան Արաբիան հայտարարել է տասնյակ պետական նախարարությունների 207 աշխատակիցների ձերբակալման մասին
Ձերբակալվածների անունները չեն նշվում, եւ անհասկանալի է, թե երբ են կատարվել ձերբակալությունները․․․
Սաուդյան թագավորի ձերբակալված եղբայրը թագաժառանգ արքայազնին գահը հանձնելու դեմ է հանդես եկել
77-ամյա արքայազն Ահմեդը Երդմնակալության խորհրդի այն երեք անդամներից էր, որը բացահայտ իր առարկություններն է հայտնել այդ մասին թագավորին․․․
Սաուդյան արքայազն Ալվալիդ Բին Թալալը վերադարձել է բիզնես
Նա 266 մլն դոլարի ներդրում է արել Deezer երաժշտական ընկերությունում...
Սաուդյան Արաբիայի իշխանությունները շարունակում են միլիարդատերերին կալանավորված պահել
Նրանց խոշտանգում են, ծեծում եւ քնից զրկում…
Էր Ռիադի իշխանություններր հայտնել են հակակոռուպցիոն գործով ավելի քան 100 մլրդ դոլար առգրավել
Ներկայացված տարբեր ակտիվների տեսքով՝ ներառյալ անշարժ գույք, կոմերցիոն կազմակերպություններ, արժեթղթեր, դրամական միջոցներ եւ այլ ակտիվներ…
Սաուդյան Արաբիայում ազատ են արձակել կոռուպցիայի գործով բոլոր ձերբակալվածներին
Վերջինն ազատվածների թվում է Saudi Bunladin group ընկերության ղեկավար Բաքր բին Լադենը եւ նրա ընտանիքի մյուս անդամները, որոնք ձերբակալվել էին նոյեմբերին կոռուպցիայի դեմ պայքարի զանգվածային արշավի շրջանակներում․․․
Ամենաշատ