Սիրիացի զինվորականները Դեյր էզ Զորում պայթուցիկով եւ քիմիական նյութերի զինամթերքով մեքենա են հայտնաբերել, հաղորդում է «ՌԻԱ Նովոստի»-ն:
Զինամթերքի վրա նշված է եղել, որ դրանում առկա քիմիական էլեմենտները կարելի է միայն լաբորատորիաներում կիրառել եւ բժշկական նպատակներով օգտագործելը հակացուցված է:
Նույն թաղամասում զինվորականները զենքի եւ զինամթերքի երկու պահեստ են գտել, որտեղ մեծ քանակությամբ Մ-16 ավտոմատներ, «Շտայր», «Դրագունով», G3 սնայպերական հրացաններ, տարբեր տրամաչափի ականանետային սարքեր, ինչպես նաեւ տարբեր զրահահար արկեր եւ մեծ քանակությամբ ձեռքի նռնականետեր են գտնվել:
Սիրիացի զինվորականների մեկ այլ խումբ ավելի վաղ ԻՊ-ից գրաված շրջաններից 6 տանկ եւ մեծ քանակությամբ ահաբեկիչների ականանետային սարքավորումենր են հայտնաբերել:
«Ականազերծման աշխատանքները դեռ շարունակվում են եւ չի բացառվում, որ զենքի եւ զինամթերքի այլ պահեստներ հայտնաբերվեն, որոնք ԻՊ-ին են պատկանել», —ասել է սիրիական բանակի սպան: