News
Լրահոս
News
Հինգշաբթի
Նոյեմբեր 15
Տեսնել լրահոսը

ՀՀ էներգետիկ ենթակառուցվածքների եւ բնական պաշարների նախարար Աշոտ Մանուկյանը, ելույթ ունենալով ԱՊՀ էլեկտրաէներգետիկական խորհրդի նոյեմբերին 4-ին Տաշքենդում կայացած նիստում, ներկայացրել է Հայաստանի էներգետիկայի զարգացման հիմնական ուղղությունները:

Նախարարությունից NEWS.am-ին հայտնում են, որ նախարարն անդրադարձել է մեր երկրում ատոմային էներգետիկայի զարգացման, առաջնային էներգետիկ պաշարների դիվերսիֆիկացման եւ գազային ջերմակայանների արտադրության արդյունավետության բարձրացման խնդիրներին։ Իր ելույթում Աշոտ Մանուկյանը խոսել է նաեւ երկրի ներքին սպառման կառուցվածքում սեփական վերականգնվող աղբյուրներից ստացվող էլեկտրաէներգիայի տեսակարար կշռի շարունակական ավելացման ուղղությամբ իրականացվող քայլերի մասին:

Ներկայացնելով ԱՊՀ երկրներում վերականգնվող էներգետիկայի զարգացման գերակայությունների ճանապարհային քարտեզը` ՌԴ Էկոնոմիկայի բարձրագույն դպրոցի Վերականգնվող էներգետիկայի զարգացման կենտրոնի ղեկավար Գեորգի Երմոլենկոն ընդգծել է, որ վերականգնվող էներգետիկայի զարգացման եւ էներգախնայողության բնագավառում Հայաստանի փորձն ուսանելի է:

Նիստում քննարկվել են էլեկտրագազային կայանքների շահագործման տեխնիկայի անվտանգությանը, սարքավորումների հուսալիությանը, շրջակա միջավայրի վրա ազդեցության նվազեցմանը, ինչպես նաեւ ոլորտի խնդիրներին առնչվող ավելի քան 6 տասնյակ այլ հարցեր:

Անդրադարձ է արվել նաեւ կադրային հարցերին։ ԱՊՀ էլեկտրաէներգետիկական խորհրդի գործադիր կոմիտեի նախագահի պաշտոնում ընտրվել է Իգոր Կուզկոն:

Նիստին մասնակցել են Հայաստանի, Ռուսաստանի Դաշնության, Բելառուսի, Ղազախստանի, Տաջիկստանի, Թուրքմենստանի էներգետիկայի նախարարները, Ուզբեկստանի փոխվարչապետը, Սաուդյան Արաբիայի էներգետիկայի, արդյունաբերության եւ բնական պաշարների նախարարը, Ադրբեջանի ու Ղրղզստանի էներգետիկայի փոխնախարարները: 

Համաժողովի շրջանակներում Աշոտ Մանուկյանը  հանդիպումներ է ունեցել ՌԴ էներգետիկայի նախարար Ալեքսանդր Նովակի, Բելառուսի էներգետիկայի նախարար Վլադիմիր Պատուպչիկի, Ղազախստանի էներգետիկայի նախարար Կանատ Բոզումբաեւի հետ:

!
Այս նյութը հասանելի է նաև   English
Տպել
Կարդացեք նաև
Ամբողջը
Պուտին. Ռուսաստանին ձեռնտու է 70 դոլարով նավթի գինը
Ռուսաստանի նախագահը Փարիզում ԱՄՆ նախագահ Դոնալդ Թրամփի հետ քննարկել է նավթի գների հարցը...
Որո՞նք են «Գազպրոմ Հայաստան» ընկերության հանդեպ իրավապահ մարմինների հետաքրքրվածության պատճառները՝ ըստ ՊԵԿ ղեկավարի
Գործի շրջանակում պետք է գործողություններ կատարվեն, որոնք հնարավոր չէ իրականացնել սովորական ստուգման շրջանակում…
Նավթի համաշխարհային գները կրկին նվազում են
Brent տեսակի նավթի ֆյուչերսները նվազել են 0,33 տոկոսով՝ մեկ բարելի դիմաց հասնելով մինչեւ 65,90 դոլարի…
Միլլեր․ «Հյուսիսային հոսք-2» գազատարը մինչեւ վերջ կկառուցվի
200 կմ արդեն կառուցել ենք, մնացածն էլ կկառուցենք․․․
Հայաստանում էկո-թրենդը զարգանալու բոլոր նախադրյալներն ունի. SHTIGEN ընկերության տնօրեն
Հայաստանում հելիոտեխնոլոգիայի կայուն զարգացման համար բավական չէ պարզապես դրամաշնորհ ստանալ, անհրաժեշտ է, որպեսզի դրանք շահութաբեր լինեն...
Հայաստանը հնարավորություններ կստեղծի վերականգնվող էներգետիկայի ոլորտում օտարերկրյա ներդրումների ներգրավման համար
Վերջին տարիներին արեւային լուսավոլտային տեխնոլոգիաների գները զգալիորեն նվազել են, ինչի շնորհիվ արդյունաբերական նշանակության նման...
Partner news