Հայաստանի ԱԺ հանձնաժողովներում այսօր՝ նոյեմբերի 6-ին, 2018 թվականի բյուջեի նախագծի նախնական քննարկմանը պատգամավորները նիստի կեսից լքել էին դահլիճը: Իսկ դահլիճում ներկա գտնվող մի քանի պատգամավորներն եւ լրագրողները ստիպված եղան սպասել ուշացումով ներկայացած ՀՀ հանրային հեռուստառադիոընկերության խորհրդի նախագահի տեղակալ Ստեփան Զաքարյանին: Այդ ընթացքում Վարդան Բոստանջյանը կատակեց. « Զաքարյանը որ չգա, կարանք փող կտրենք չէ՞ բյուջեից»:
Ստեփան Զաքարյանը ոլորտի ծախսերը ներկայանալուց հետո նշեց, որ ՀՀ հանրային հեռուստառադիոընկերության խորհրդին 2018 թվականի բյուջեով հատկացվող ֆինանսավորումը չի փոխվել. «6 միլիարդ 373 միլիոն է մեզ հատկացվել, Հանրային ռադիոյին հատկացվող գումարը եւս նույնն է մնացել՝ 785 միլիոն, «Շողակաթինը»՝ 150 միլիոն, Հ1-ին հատկացվող գումարը փոքր-ինչ աճել է՝ 249 միլիոն: Ֆինանսական մասով փոփոխություններ չկան, կարելի է ասել»:
