Այն պահից, երբ նրա հայր Սալման բին Աբդուլ Ազիզը Սաուդյան Արաբիայում գահ բարձրացավ, արքայազն Մուհամեդ բեն Սալման ալ Սաուդի գործերը սկսեցին հաջող ընթանալ եւ նրան գահից մեկ քայլ էր բաժանում:

Նա ավելի ու ավելի շատ իշխանութւուն ունի: Նրա բոլոր մրցակիցները անցան կամ անցնում են երկրորդ պլան:

2015-ի հունվարին, երբ Սալման բին Աբդուլ Ազիզը թագավոր դարձավ, նա երկրի վերնախավում չհետաձգեց որդու դիրքերի ամրապնդումը:

Մուհամեդը 29 տարեկանում դարձավ երկրի ամենաերիտասարդ պաշտպանության նախարարը:

Ընդամենը 2 ամիս անց Սաուդյան Արաբիան կոլացիա կազմեց եւ Եմենում ռազմական արշավ սկսեց:

2016-ի ապրիլին ազդեցիկ արքայազնը, ով նաեւ Տնտեսության եւ զարգացման հարցերով խորհրդի նախագահն է, տնտեսական բարեփոխումների հավակնոտ հայեցակարգ ներկայացրեց, որն ուղղված էր նավթային եկամուտներից թագավորության կախման դադարեցմանը:

Նրա խոսքով՝ «Տեսլական 2030» ծրագրի իրականացումը երկրին արդեն 2020-ին հնարավորություն կտա առանց նավթի ապրել:

Մուհամեդ բին Սալմանը ծնվել է 1985 թվականի օգոստոսի 31-ին, նա Սալմանի երրորդ կնոջ՝ Ֆահդա բինթ Ֆալահի որդին է:

Ի տարբերություն շատ սաուդյան արքայազնների՝ նա Սաուդյան Արաբիայում է կրթություն ստացել:

Սաուդ թագավորի անվան համալսարանում նա իրավունք է ուսումնասիրել, այնուհետ մի քանի պետական պաշտոն զբաղեցրել:

Գահաժառանգն ամուսնացած է արքայադուստր Սառա բինտ Մաշխուր իբն Աբդալազիզ Ալ Սաուդի հետ: Զույգը չորս երեխա ունի՝ արքայազն Սալման, արքայազն Մաշխուր, արքայադուստր Ֆահդա եւ արքայադուստր Նուրա: