Նոյեմբերի 7-ին ԱԺ-ում քննարկում է ընթանում կլոր սեղանի շուրջ՝ «Կնոջ ձայնը եւ կին առաջնորդները քաղաքականության մեջ» թեմայով:
Միջոցառման ընթացքում ներկայացվել է «Արեւելյան գործընկերության երկրներում կանանց քաղաքական ներկայացվածության տարածաշրջանային հետազոտությունը», որին հետեւել է գենդերային քվոտաների վերաբերյալ քննարկումը:
Հետազոտությունը 2015-2016 թվականներին Եվրամիությունը եւ Եվրոպայի խորհուրդն իրականացրել են «Համագործակցություն հանուն արդյունավետ կառավարման» ծրագրի շրջանակում, այն առաջին անգամ ներկայացվել է 2016 թվականի դեկտեմբերին Կիեւում: Հետազոտության մեջ հատուկ նշվում են կանանց քաղաքական ներկայացվածության սահմանափակումները Հայաստանում, Վրաստանում, Ադրբեջանում, Բելառուսում, Մոլդովայում եւ Ուկրաինայում: Մասնավորապես՝ այս երկրներում կանայք քաղաքական պաշտոններին ավելի հազվադեպ են առաջադրվում, քան տղամարդիկ: