Արդշինբանկն առաջարկում է ֆիզիկական անձանց անշարժ գույքի գրավով ապահովված վարկեր նվազեցված տոկոսադրույքներով եւ առավել հարմար պայմաններով:
Արդշինբանկից NEWS.am-ին հայտնում են, որ համաձայն բարելավված պայմանների՝ ՀՀ դրամով սպառողական վարկերը այժմ հասանելի են սկսած 14%-ից, իսկ վերանորոգման նպատակով ԱՄՆ դոլարով եւ եվրոյով վարկերը` համապատասխանաբար 12% եւ 10%-ից:
Արդշինբանկի հաճախորդներն այժմ հնարավորություն ունեն ստանալու անշարժ գույքի գրավով ապահովված վարկեր մինչեւ 40 մլն. ՀՀ դրամ, 80,000 ԱՄՆ դոլար եւ 70,000 եվրո՝ անկախ նրանից գույքը գտնվում է ՀՀ մարզերում, Երեւանի ծայրամասում թե կենտրոնում: Վարկերը հնարավոր է ստանալ նաեւ առանց եկամուտների վերլուծության: Այս վարկատեսակի առավելությունն է նաեւ գույքի եւ դժբախտ պատահարներից ապահովագրությունը, որի շրջանակներում փոխհատուցումը ստանում է վարկառուն:
Հիշեցնենք նաեւ, որ անշարժ գույքի գրավով ապահովված վարկը պարտաճանաչ մարելու դեպքում գործում է 5% հետվճար (cash-back):
Անշարժ գույքի գրավով ապահովված վարկերի մասին հավելյալ տեղեկատվություն կարող եք ստանալ այցելելով www.ardshinbank.am, զանգահարելով (012)222222 հեռախոսահամարին կամ օգտվելով կայքի «Հետզանգի պատվեր» ծառայությունից: