Սաուդյան Արաբիան իր քաղաքացիներին խնդրել է լքել Լիբանանը, հայտնում է «ՌԻԱ Նովոստի»-ն՝ վկայակոչելով SPA գործակալությունը։
«Լիբանանի Հանրապետությունում ընթացիկ իրադրության կապակցությամբ Սաուդյան Արաբիան իր ենթականերին խնդրել է լքել այդ երկիրը հնարավորինս շուտ»,- փոխանցում է գործակալությունը Սաուդյան Արաբիայի ԱԳՆ հայտարարությունը։
ԱԳՆ-ից նաեւ հայտնել են, որ Սաուդյան Արաբիան իր քաղաքացիներին խորհուրդ է տվել զերծ մնալ Լիբանան այցելություններից։
Իր հրաժարականի մասին Լիբանանի վարչապետ Սաադ Հարիրին հայտնել էր Էր Ռիադից՝ տեղեկացնելով, որ իր կյանքին վտանգ էր սպառնում: Սաադ Հարիրին իր հրաժարականի հիմնական պատճառ է համարել «Իրանի եւ ի դեմս «Հիզոբոլլահ» շիական շարժման նրա դրածոների միջամտությունը երկրի ներքին գործերին:
Հարիրին իր հրաժարականի հայտարարության մեջ քննադատել էր Իրանին եւ «Հիզբոլլահին»՝ նշելով, որ նրանք արաբական երկրներում երկպառակություն են սերմանում, եւ որ ինքը վախենում է իր կյանքի համար: Լիբանանի նախկին վարչապետ եղած նրա հայրը զոհվել է 2005 թվականին ռումբի պայթյունի հետեւանքով:
Նախկին վարչապետ Հարիրիին Էր Ռիադում հարկադրանքով են պահում՝ վստահ են Լիբանանում
Լիբանանի վարչապետի հրաժարականն ընդունվել է ԱՄՆ-ի եւ Սաուդյան Արաբիայի ճնշմամբ. Իրանի ԱԳՆ
Հրաժարական ներկայացրած Լիբանանի վարչապետը հայտնել է իր դեմ մահափորձ պատրաստելու մասին
