Իրանի միջուկային գործարքը վերանայելու ԱՄՆ ջանքերը կարող են Իրանին հարկադրել սեփական միջուկային զենքը ստեղծել: Այս մասին Time ամսագրին տված հարցարույցում հայտարարել է Ֆրանսիայի նախագահ Էմանուել Մակրոնը:
«Եթե դուք ցանկանում ենք միջուկային գործունեության պատճառով դադարեցնել Իրանի հետ ցանկացած հարաբերությունները , դուք նոր Հյուսիսային Կորեա կստեղծեք: Եթե դուք դուրս եք գալիս 2015-ի համաձայանգրից, որն է մյուս տարբերակը՝ պատերա՞զմ սկսե՞լ, հարձակվե՞լ Իրանի վրա: Դա խելահեղություն կլինի»,- ասել է նա:
Նրա խոսքով՝ Իրանի միջուկային համաձայանգրի վերաբերյալ Գործողությունների համատեղ համապարփակ ծրագիրը՝ «Իրանի վերաբերյալ լավագույն գործարքն է»:
Նրա խոսքով՝ համաձայնագրից ԱՄՆ դուրս գալու դեպքում տհաճ հետեւանքներ կարող են լինել:
«Որովհետեւ դա հենց այն է, ինչի հետ մենք բախվեցինք Հյուսիսայի Կորեայի դեպքում: 10-12 տարի անց դուք կարթնանաք եւ կպարզենք, որ Իրանը անվերահսկելի միջուկային զենքի է տիրապետում», - ասել է Մակրոնը:
Նա նշել, է, որ ցանկանում է, որ Վաշինգտոնը միանա այն ջանքներին, որոնք կստիպեն Իրանին տարածաշրջանի իր դաշնակիցներին բալիստիկ հրթիռներ չմատակարարել՝ նկատի ունենալով Եմենի կողմից դեպի Սաուդյան Արաբիա արձակված հրթիռը:
