Վենետիկի քաղաքապետ Լուիջի Բրունյարոն պնակալեզ է անվանել բրիտանացի զբոսաշրջիկներին, որոնք բողոքել են ռեստորանում ներկայացված խոշոր հաշվից։ Այս մասին հայտնում է The Telegraph–ը։
Քաղաքական գործչի խոսքով՝ ճանապարհորդողները նման իրավիճակներից խուսափելու համար պետք է իտալերեն սովորեն, անգամ՝ Վենետիկի բարբառով որոշ բառեր։
«Նրանք 4 լոբստեր են կերել, ափսեների մեջ ոչինչ չէր մնացել։ Եվ անգամ թեյավճար չեն թողել։ Եթե դուք Վենետիկ եք գալիս, բարի եղեք գումար ծախսել։ Մենք ուրախ են հյուրեր ընդունել, բայց նրանք պետք է փող ծախսեն»,– մեկնաբանել է Լուիջի Բրունյարոն զբոսաշրջիկների դժգոհությունը։
Նոյեմբերի 7-ին բրիտանացի զբոսաշրջիկ Լյուկ Թանգը Վենետիկի քաղաքապետին նամակ էր գրել՝ բողոքելով, որ ռեստորաններից մեկում նրանց 526 եվրոյի հաշիվ են ներկայացրել ծովամթերքի համար, որն իրենք չէին պատվիրել, այլ բերել էին՝ օգտվելով այն հանգամանքից, որ ինքը իտալերեն չի հասկանում։
