Բրիտանական Bonhams աճուրդի տունը 1.5 մլն դոլարով վաճառքի է հանել հունգարական ծագմամբ հոլիվուդյան դերասանուհի Ժա ժա Գաբորի ադամանդե մանյակը: Աճուրդը տեղի կունենա դեկտեմբերին, հաղորդում է The Telegraph-ը:
Մանյակը բաղկացած է 66 կարատանոց դասական երեսակմամբ 45 կլոր ադամանդներից: Այն պատրաստվել է 1964 թվականին ամերիկյան Harry Winston ոսկերչական տանը: Հայտնի չէ, թե ով է մանյակը դերասանուհուն նվիրել:
«Ես երբեք այնքան չեմ ատի տղամարդուն, որպեսզի իր նվիրած ադամանդները վերադարձնեմ», - պարբերականը ներկայացնում է Գաբորի խոսքերը: Անցյալ տարի Ժա Ժա Գաբորը 99 տարեկանում մահացավ: Նա նկարահանվել է բազմաթիվ ֆիլմերում: Գաբորի հայտնի աշխատանքներից են «Մուլեն Ռուժ» ֆիլմի դերերը, «Սիրո երեք պատմություններ», «Մերկ ճշմարտությունը» եւ այլք:
1958-ին նա «Ոսկե գլոբուս» է ստացել որպես «Ամենագլամուրային դերասանուհի»: